|
ياليـــــت
لاح الفجر ياللـي وعـدك أول الليـل.........في طرفي اللي ماسهـر ليـل لــــولاك
راح الظلام آمال .. لاح الفجـر ويـل........واستسلمـت لليـاس نفـس ٍ تحــــرّاك فات الوعد.مات الوعد. مابقي حيل.....الا عيـونٍ تنظـر هنـاك وهـنـــــــــــــــاك لاح الفجر وجهـه عصافيـر ونخيـل.......يضحك .. وتبكي في يدينـي هدايــــاك ياموعدي ليلـة شتـا والمطـر سيـل.....والبرد قاسي.. والدفـا فيـه ذكـــــــراك فيه انتظاري موت .. لولا المواصيـل.....واحترت في موتين .. وصلك وفرقــاك ان غبت اخاف ان الحزن يطوي الحيل....وان جيت اخاف اموت فرحه بلقيـاك يهنـاك نومـك وانتظـاري تساهيـل......ياللي الخجل ردّك عن اللـي تمنّـــاك ليت الوفا فارس وليت الزمن خيـل.....ماكان قلبـي فـي غيابـك تباطـــــــاك لـولاي احبـك ماعشقتـك غرابيـل.....أو صارت عيوبك بعينـي ..مزايــــــــــاك أو جبت لك من دون ترسل مراسيـل....عذرك.. وقلت العيب واللـوم عــدّاك حبي لك أكبر مـن وعـد أول الليـل.....وان غبت تكفي عن حضورك . نواياك ..........[fot1]وتبقى لليل ذكـــــــــــــــــرى[/fot1]................. |
رد: ياليـــــت
الله الله الله
صح لسانك سمو المشاعر ياشاعر تقبل مروري |
رد: ياليـــــت
سمو المشاعر
صح لسانك ومشكور على القصيده تقبل مروري |
رد: ياليـــــت
ابن عبد الخليل
هلالي مرررروركم يشرفني تقبلوووووووووو تحياااتي |
رد: ياليـــــت
ليت الوفا فارس وليت الزمن خيل
ابيات جميله مشكور اخي سمو المشاعر |
| برعاية: بحرين سيرف |
HêĽм √ 3.1 BY: ! ωαнαм ! © 2010
جميع الحقوق محفوظه لمنتديات الغبرة2011