منتديات مضايف بلدة الغبره - النساء روح السماء

النساء روح المساء

النساء روح المساء والليل لو فكر يبــــــــــــــات
كان ما فيه أغنيات وكان ما له ذكريــــــــــــــات

وكان ما فينا عظيم وما لأمانينا حليــــــــــــــف
وما بنا قلب وليف ولا لنا قصد شريــــــــــــــــف

النساء نصف الحياة إلا النساء كل الحيــــــــــاة
آه يا أسرار الخوات آه يا أحلام البنـــــــــــــــــات

آه يا طيش الطفولي آه يا الحسن الشفيـــــــف
آه يا العشق العفيف آه يا الجنس اللطيــــــــــف

علمن حتى المرايا والشبابيك اللغــــــــــــــــات
والرسايل والدواة صارت أعذب مفــــــــــــــــردات

كم بكن وانكف مبصر واضحكن وأبصر كفيــــــــف
واهمسن واهتز سيف واهمسن و أمتد ريـــــــف

كم غدن لإخوانهن عزوة صناديد عصــــــــــــــاة
بين صفق المرهفات وبين ضبح العاديـــــــــــات

طاحت اشناب وكراسي وانطلق دمع ونزيــــــــف
واعتلى الخف المنيف والمقابر تستضيــــــــــــف

في بلادي يحسبون إن النســــــــــــاء متخلفات
في المساء مستوطنات وفي الضحى مستعمرات

ما دروا عنها البيارق شمّخ العــــرض النظيــــــف
فزعة الدين الحنيف شجرة العز الكثيـــــــــــــــف

النساء ضلع عوج لولاه كل العدل مــــــــــــــــات
ما لهن عنا فوات ولا لنا عنهن غنــــــــــــــــــاة

تبرق الدنيا على أيديهن ويغرينا القنيـــــــــــــف
نطمع بتكريم وضيف وناقف بيوم عصيــــــــــــف

النساء موج على بحره منايا وأمنيــــــــــــــــات
والنساء مركب نجاة نسأل الله الثبــــــــــــــــات

هن لباس وهن فراش وهن معاش وهن رغيـــف
إن فتك جوع مخيف وإن حدا الرجال حيـــــــــــف

النساء حتى شراب الجنة العذب الفــــــــــــرات
تحت ماطى الأمهات يا لهن من مكرمـــــــــــات

كل ما عوّد من الكد أقبل ابن آدم ضعيـــــــــــف
له ورا البيبان طيف مثل نسناس المصيــــــــف

كم مكان يعرض أعراض آنسات وسيـــــــــــدات
والهوى له بايعات والغلاف وله فتــــــــــــــــــاة

والحسن تشبير عنق وطول وخصر نحيـــــــــف
وشي ما ينشاف وشيف لأجل الأول والوصيـــف

شهبٍ تشابه رسوم الشاشة المتحركــــــــات
ما لزمتهن طرات ولا لهن ملح وحـــــــــــــــلاة

لا ربيع فيه خير ولا به إلا بروق صيــــــــــــــف
والشتاء ما به رفيف يحيي أوراق الخريـــــــــف

غاده وسجادة وكفين وحجاب وصــــــــــــــلاة
من صبايا محصنات من عروق طيبـــــــــــــات

أطهر من ألفين منظر كلها فتنة وزيــــــــــــــف
في رجاء الصبح الكسيف وأجرة الليل السخيف

لي مناحل لي خلايا كلها سكر نبــــــــــــــات
لي حصون ٍناعمات لي غصون شامخــــــــــات

لي قوارير ملاها العقل والدم الخفيـــــــــــــــف
خلفها العمر الكليف ودونها الحد الرهيــــــــــف

يا زمن وش جاب حلوى غلفوها بالعبــــــــــاة
جنب حلوى للمشاة وللغبار وللشتــــــــــــات

شف بدل ما هي لواحد صارت لجمع لفيـــــــف
كيف أنا أخبرك كيف .. شوفها فوق الرصيـــــف